Kreu i opozitës Lulzim Basha, gjatë takimit të tij me të rinjtë e Shkodrës, u ndal edhe tek raporti i fundit i Bankës Botërore, e cila theksonte se ekonomia shqiptare po kalon periudhën më të keqe.
Duke ju referuar raportit të BB-së, Basha theksoi se sot ekonomia shqiptare është më keq se periudha e krizës ekonomike botërore, dhe shkak për këtë është bërë korrupsioni që është disa-fishuar krahasuar me vitin 2013-të apo dhe atë 2005.
‘Ajo që po përjetojmë sot nuk krahasohet as me periudhën më të errët të stanacionit. Raporti i BB thotë se korrupsioni është dyfishuar krahasuar me vitin 2013 dhe është më keq se në vitin 2005’, deklaroi Basha.
