Gazetari Jetmir Olldashi tha mbrëmjen e sotme në studion e Opinion se plani i autorëve është që makina ku ndodhej prokurori, Arjan Ndoja, “Rrumi” dhe shoferi, Andi Maloku, të futej poshtë mbikalimit dhe do masakroheshin.
“Mendoj se objekti i atentatit ishte prokurori, pasi nuk ka llogjikë që të ishte Rrumi, i cili ndodhej në makinën e prokurorit.
Prokurori është ndjekur gjithë ditën, ndoshta ka marrë Rrumin për t’u mbrojtur apo ky i fundit ka marrë prokurorin për t’u ruajtur, kjo duhet parë, duhen pyetur personat”, tha gazetari Olldashi.
Sipas tij, prokurori, Rrumi dhe drejtuesi i mjetit, shpëtuan pasi makina doli nga rruga, pasi po të futej poshtë mbikalimit nuk kishin ku të shkonin.
Olldashi tha se autorët kanë qëlluar për t’i vrarë.
“Prokurori ka qenë dy orë në një lokal, dhe mendoj se autorët e kanë ndjekur. Objekti ishte prokurori”, tha gazetari Olldashi.
