A është përgjuar prokurori Kulluri në hetimin e “Shullazit”? Vetingu pritet t’i japë përgjigje

Nga Boldnews.al

Seanca dëgjimore para Komisionit të Vetingut është një mundësi e mirë për të sqaruar zyrtarisht aludimet nëse prokurori i Krimeve të Rënda, Përparim Kulluri, rezulton ose jo në përgjime kompromentuese gjatë hetimit të çështjes “Shullazi”.

Në media të ndryshme është aluduar se Kulluri është regjistruar në komunikime të dyshimta, në kohën kur Prokuroria për Krime të Rënda po hetonte Emiljano Shullazin dhe bashkëpunëtorët e tij, të dënuar tashmë për “gjobvënie” nga Gjykata e shkallës së parë për Krime të Rënda.

Po sipas të njëjtave raportime mediatike, kjo situatë e sikletshme e ka vënë prokurorin nën kontrollin e Fatmir Xhafajt, i cili ishte Ministër i Brendshëm në kohën kur Kulluri dhe kolegu i tij tashmë i shkarkuar, Gentjan Osmani, po hetonin Agron (Geron) Xhafaj për dyshimet lidhur me trafik narkotikësh.

Përparim Kulluri, ashtu si edhe institucioni i Prokurorisë, kanë preferuar të mos japin asnjë koment apo prononcim mbi këto aludime.

Gjithësesi, Komisioni i Vetingut ka mundësinë që të japë një përgjigje për këtë pikëpyetje të rëndë mbi Kullurin, gjatë seancës dëgjimore që është parashikuar për t’u zhvilluar mesditën e së Hënës.

LEXO EDHE  U kap me 2 kg drogë dhe 49 mijë euro, arrestohet shqiptari! Detajet

Komisioni i Pavarur i Kualifikimit (KPK) ka vendosur të paraqesë rezultatet paraprake të procesit të rivlerësimit për prokurorin Kulluri në datën 4 Nëntor, ora 14.00.

Trupa gjyqësore që ka kryer Vetingun për subjektin Përparim Kulluri përbëhet nga Lulzim Hamitaj, Olsi Komici dhe Brunilda Bekteshi.

Përparim Kulluri, me përvojë të gjatë në sistemin e drejtësisë, ishte një ndër prokurorët e Krimeve të Rënda që vendosi të mos aplikojë për të qenë pjesë e Strukturës së Posaçme Anti-Korrupsion-SPAK.

Ai ishte gjithashtu një ndër 10 prokurorët e Krimeve të Rënda, të cilët në Shtator të vitit të kaluar, u përfshi në një debat procedurial me drejtuesen e institucionit, Donika Prela, pikërisht për mënyrën se si do të përfaqësohej Akuza në çështjen “Shullazi”.

Në vijim të atij debati, për Kullurin, së bashku me kolegët e tjerë që u përplasën me Prelën, Kryeprokurorja e Përkohshme, Arta Marku, urdhëroi nisjen e procedimit disiplinor