Deputetja e opozitës së re, Rudina Hajdari, pas deklaratave se është kërcënuar, është marrë në mbrojtje nga Garda e Republikës.
Deputetes Hajdari i është caktuar një truprojë, e cili e shoqëron, madje edhe në mjediset e Kuvendit.
“Merrni masa përpara se të kemi ndonjë viktimë në Parlament”, u shpreh Hajdari në seancën e fundit.
Deputja në fjalë është e vetmja që sot ndër kolegët e saj ka truprojë, pasi statusi i ligjvënësit nuk e parashikon një gjë të tillë, përjashtuar kreun dhe zv.kryetarët e Kuvendit.
Zv/Ministri i Brendshëm, Besfort Lamallari, tha pak ditë më parë në një emision televiziv se kanë nisur procedurat për hetimin e rastit, ndërsa janë marrë masat për shtimin e masave të sigurisë për deputetët.
“Mund të them që ka nisur procedura për hetimin e rastit dhe për shtimin e masave të sigurisë. Gjithçka që garanton sigurinë të deputetes në fjalë dhe deputetëve të tjerë”, tha ai.
