Një shqiptar u arrestua nga policia italiane pasi akuzohet se dhunoi për vdekje një 91 vjeçare, me synim për ta grabitur.
Gruaja u gjet me plagë në fytyrë, ndërsa dyshohet se u qëllua me grushte nga i riu Sergio Malaj, djali i shërbëtores.
E moshuara u gjet e pajetë nga vajzat e saj, të cilat lajmëruan policinë, raportojnë mediat italiane. Dyshimet e para ishin se e moshuara ishte dhunuar deri në humbjen e jetës me qëllim grabitjen.
91-vjeçarja u gjet në dyshemenë e kuzhinës, me fytyrë të mavijosur, ndërsa në banesë mungonin disa bixhuteri dhe 100 euro.
Policia zbuloi autorin e krimit falë kamerave të sigurisë në zonë.
Shqiptari, djali i shërbëtores së ish-mësueses, ndodhet në burg.
