Forca të shumta policore po zhvillojnë një aksion në lagjen “Sulë Papri” në Elbasan.
Deri tani mësohet se janë bastisur 2 biznese, një prej tyre polici private. Dëshmitarë thonë se rreth 10 makina policie dhe rreth 60 efektivë policie janë në vendngjarje.
Njeri prej bizneseve nuk ka hapur dyert, pas thirrjeve të policisë. Në këto kushte ndërhy zjarrfikësja, duke iu mundësuar efektivëve hyrjen në biznes.
Operacioni vjen një ditë, pasi policia njoftoi sekuestrimin e një arsenali me fishekë luftarakë e granata në Elbasan. Policia e Elbasanit njoftoi se, ka marrë informacion se në një zonë të thellë në afërsi të fshatit Godolesh, Elbasan, ndodhej një arsenal me municione luftarake. Me marrjen e informacionit, është organizuar puna për krehjen e zonës.
Si rezultat i kontrollit të ushtruar u gjetën dhe u sekuestrua në cilësinë e provës materiale, 15 arka me municion luftarak, fishekë pistolete dhe automatiku si dhe 12 granata dore.
Nga veprimet e para dyshohet se si rezultat i kontrolleve të shtuara ditët e fundit nga Policia e Elbasanit në banesa, objekte të braktisura, magazina apo tunele, personat që mund ti kenë pasur këto municione i kanë fshehur në këtë zonë me qëllim shmangien e kontrollit të Policisë.
Pavarësisht kontrolleve, deri më tani, policia nuk ka njoftuar për perona të ndaluar.
