Gjykata e Krimeve të Rënda ka vlerësuar në mungesë, masën e arrestit me burg për 8 personat e shpallur në kërkim për vrasjen e ish-policit Santjago Malko.
Togat e zeza pranuan kërkesën e prokurorit të Krimeve të Rënda Behar Dibra, për caktimin e masës arrest me burg për të akuzuarit: dy vëllezërit Leonard dhe Elis Duka, Xhoni Nica, Oltian Loka, Ilir Selmani, Aleksandër Maxhaku, Dritan Agaj, të gjithë banues në Tiranë, si dhe për Fatmir Hyseni, nga Vlora.
Ndërkohë, pritet që brenda pak ditësh të vlerësohet masa edhe për Blendi Tetën, i arrestuar po për të njëjtën çështje.
Fillimisht dosja u hetua nga prokuroria e Tiranës, e cila më pas shpalli mos kompetencë duke e kaluar tek Krimet e Rënda. Këtë të hënë, edhe gjykata e Krimeve të Rënda dha masën e arrestit me burg për 8 të akuzuarit, të shpallur në kërkim.
Të shpallurit në kërkim akuzohet për veprat penale vrasje me dashje në bashkëpunim, armëmbajtje pa leje, vjedhja, në kuadër të grupit të strukturuar kriminal.
