Deputeti Lefter Maliqi përmes një postimi në rrjet shkruan se është koha për një reagim të menjëhershëm për rrëzimin e faqezinjve të pacipë. Maliqi ka publikuar një video, ku shfaqen Edi Rama, Gent Cakaj dhe Taulant Balla që flasin mbi negociatat me BE-në.
Video përmbledh deklarimet e Ramës dhe Ballës që shprehnin bindjen për hapjen e negociatave me BE-në brenda 2019, dhe Gent Cakajn, ministrin në detyrë të Punëve të Jashtme, që përjashton nga përgjegjësia politike qeverinë, me argumentin se ajo nuk ka deklaruar asnjëherë me siguri hapjen e negociatave.
“Faqezinj të pacipë. No Coment. Duhet rrëzuar sa më parë, e mashtruan e cpopulluan e vodhën e varfëruan i vranë shpresat një populli që shembi diktaturën për ëndrrën Europiane.
Koha për reagim të menjëhershëm. Për karrigen e të sëmurit, intrigantit, mashtruesit, të korruptuarit, kllounit të Rilindjes së krimit s’mund të vuaj një popull”, shkruan Maliqi.
