Ngushtimi i një rruge në qendër të kryeqytetit për shkak të ndërtimeve të reja, ka sjellë pakënaqësi te qytetarët.
Një qytetar denoncon ngushtimin e rrugës në mesazh dërguar për faqen në Facebook “JOQ”. Ai prek rastin e banorëve të “Unazës së Re dhe Shkozës, banesat e të cilëve janë shembur pasi planifikohet që në këto zona të zgjerohet rruga, ndërsa në qendër të Tiranës, për shkak të ndërtimeve, rruga ngushtohet.
“Si mundet kjo bashki ky shtet te veproje kështu. Duke u pare ne rastin e banoreve te astirit dhe shkozes qe po u prishen shtepite qe jetojne sepse i kap plani i zgjerimit dhe krijimit te rrugeve te reja kurse ketu ne kete foto sepse deshiron te shtoje milonat e veta ngushton rrugen si pa problem fare dhe duke u ndihmuar nga bashkia per te vene bllokueset. Dhe nje pyetje e fundit me pallatin qe eshte dhe banesa e ismail kadare qe eshte shpallur banes kulture cfare do te behet, flm”, thuhet në mesazhin e qyterit.
Ngushtimin e rrugës e ka denoncuar edhe avokati Altin Goxhaj. Në një video të postuar në Faqen e tij në Facebook, ai tregon se si është bllokuar trotuari dhe korsia e biçikletave. Goxhaj shprehet se për këtë ndërtim janë bërë edhe disa shpronësime me vlera shumë të ulëta monetare, ndërsa shton se disa prej pronarëve ende nuk i kanë marrë paratë. E gjitha kjo, shprehet Goxhaj, që oligarkët të ndërtojnë gradaçela.
“Eri Plehri grabit rrugën, korsinë e makinave e biçikletave, trotuarin, pronën private e publike, bllokon trafikun”, shkruan Goxhaj në një postim në Facebook, ku poston dhe videon.
