Avokati Altin Goxhaj ka ngritur akuza të forta ndaj Komisionit Qendror të Zgjedhjeve dhe OSBE-së, duke pretenduar për manipulime dhe mungesë transparence lidhur me procesin zgjedhor.
Goxhaj deklaroi se KQZ po shmang publikimin e të dhënave të plota mbi numrin e votuesve për të mos nxjerrë në pah mospërputhje të rënda.
Sipas tij, opozita i ka bërë disa herë kërkesë zyrtare KQZ-së për informacion, por nuk ka marrë përgjigje. Ai shtoi se më 28 prill zhvilluan një eksperiment në një qendër testimi në Vaqarr, ku pretendohet se u refuzua pjesëmarrja e tyre në testimin me pajisjen e identifikimit të votuesve, që po kryhej nga OSBE në bashkëpunim me KQZ-në dhe gazetarë të përzgjedhur.
“Celibashi ka një hall të madh, se nëqoftëse do të jepte raportin e plotë të numrit të votuesve, do fillonte teoria, që ne do bënim gallatë pastaj, do thonim, ore sa vota dolën te kjo kutia që kanë votuar kaq pak veta?
Pra problemi më i madh që kanë këta, është që këta nuk e dinë, sepse nesër u del që kanë votuar më pak njerëz seç ka vota të hedhura në kuti, ky ishte halli, që nuk i raporton Celibashi.
Ju kemi bërë akuzën të hënën, të martën, të mërkurën, ja kemi bërë zyrtarisht me shkresë, dhe ai prapë nuk përgjigjet.
Ne bëmë një eksperiment në datë 28 prill, në Vaqarr, futemi brenda në një nga qendrat e KQZ ku po testohej pajisja e identifikimit, ata refuzonin që ne të merrnim pjesë në eksperimentin që po bënin me OSBE, me gazetarët.
Ti e di që KQZ ka paguar mediat për t’i bërë reklamë, dhe aty kishim përballë Isa Myzyrajn, kryetari i një shoqate gazetarësh, i cili i thoshte gazetarëve mos e jepni këtë që bëjnë këta, Altini dhe Mandi.
Nuk e di, e paguante KQZ, OSBE apo kush e paguante, por di të them që ai i thoshte atyre, largohuni ju, mos e jepni këtë lajm.
Ne në fakt për 30 minuta live, e kemi videon në Facebook, ne kemi vërtetuar që makinat ishin fallco.
Ata nuk donin që na linin të merrnim pjesë në proces, fillova të përdor armën e zhurmës se nuk na linin të merrnim pjesë, dhe nga zhurma jonë, kjo zonja e OSBE, një vëzhguese të cilën Mandi i tregoi edhe të gjitha dokumentet që i kishte dërguar, dhe më së fundi ata u detyruan…
Unë dua të votoj, i thashë, dhe dua të identifikohem, mora kartën e Mandit, mora dhe kartën time, Altini ka votuar 2 herë.
Këtu Mandit dhe këtu Altini, tani këto të dyja dolën me duart e tij, nuk dolën me duart e mia dhe të Mandit.
Unë përdora 2 gishta, kjo u bë në sy të të gjithëve, ndërsa Mandi votoi me këtë (një copë kartoni), këtë e kapi makina e identifikimit dhe Mandi votoi 2 herë.
Ne votuam para kamerave, Isa Myzyraj i bëri thirrje kamerave të largoheshin, nuk e di kush e paguante“, tha Goxhaj në Syri TV.
