“Raiffeisen Bank”, një prej bankave të nivelit të dytë që operon në Shqipëri, është tërhequr nga vendimi për rritjen e disa tarifave për klientët.
Rreth dy javë më parë, “Raiffeisen” njoftonte klientët se duke nisur nga muaji shtator, do të rrisë tarifat e komisionit për çdo veprim që do të kryhen në sportelet e kësaj banke. Sipas njoftimeve me e-mail, apo SMS në telefon, Banka njoftonte se për çdo veprim të kryer në sportel, komisioni do të ishte minimumi 150 lekë, deri në 1500 lekë të reja, në varësi të shërbimit.
Nisma shkaktoi pakënaqësi të klientët. Nga zëra të spikatur të opinionit publik, rritja e tarifave të “Raiffeisen Bank” u quajt “një vjedhje” nga institucioni financiar.
Këtë të shtunë, Raiffeisen bën prapaktheu. Banka ka njoftuar sërish klientët e saj se nisma për rritjen e çmimeve të tarifave të shërbimit është anuluar.
“Në vijim të njoftimit për aplikimin e komisioneve nga data 02 Shtator 2019, na lejoni t’iu informojmë se ndryshimet në komisione nuk do të zbatohen. Shpresojmë në mirëkuptimin tuaj… Ju kërkojmë ndjesë për çdo shqetësim të shkaktuar”, thuhet në mesazhin e bankës dërguar klientëve.
/Boldnews.al/
