Wolves “bën ligjin” në Torino, Belotti mban gjallë shpresat e italianëve

Ashtu siç pritej, përballja e parë mes Torinos dhe Wolvesit në eliminatoret e Europa Leagues, prodhoi spektakël dhe gola të shumtë, ndërsa në fund buzëqeshën anglezët, që falë fitores 2-3, janë një hap larg kualifikimit.

Një autogol i Bremer zhbllokoi ndeshjen në pjesën e parë, ndërsa Jota dyfishoi shifrat në minutën e 59’. Vetëm dy minuta më vonë ishte De Silvestri që shënoi golin e parë për Torinon dhe rihapi takimin, por anglezët shënuan sërish, këtë herë me anë të Jimenez.

LEXO EDHE  Armando Broja nuk ndalet te Chelsea, shënon golin e 6 në 5 javë

Në minutën e fundit të takimit, arbitri vërshëlleu një 11-metërsh për “granatat”, të cilin e ekzekutoi saktësisht sulmuesi dhe kapiteni Andrea Belotti, që rihapi sërish ndeshjen, por koha nuk premtonte për një tjetër gol dhe sfida përfundoi në favor të anglezëve.

Skuadra e drejtuar nga Walter Mazzarri bëri një ndeshje mjaft të mirë mbrëmjen e sotme, por gaboi në mbrojtje, ndërsa anglezët u treguan racionalë dhe arritën të marrin një fitore të çmuar, duke prekur kualifikimin për në fazën e grupeve.