Qeveria e Rilindjes ka marrë nismën “Plazhi i lirë”, ku liron bregdetin shqiptar nga shezllonet dhe çadrat të cilat janë të vendosura ilegalisht nga pronarët e hoteleve apo restoranteve.
Në një përgjigje komenti në profilin e tij në Facebook kryeministri Rama pohon se këtë gjë duhet ta kishin bërë bashkitë bregdetare.
“S’jam kujtuar vone jo, po duhet ta kishin bere bashkite bregdetare kete pune, se ata e kane me ligj pergjegjesine po fjalet e mia i mori era cdo vit dhe tani boll, s’ka me te vuaje populli e te behet toke e xanun vija bregdetare e Shqiperise, se bashkite s’duan sherre a duan aranxhata🤮Megjithate ke edhe ti te drejten tende, po cfare te benim me pare ne lesheline qe gjetem e me opoziten qe kemi🤭 Perqaf” -shkruan Rama.
Por, kryeministri ndoshta e ka harruar se bashkitë kryesore në bregdetin shqiptar si Durrësi, Vlora, Saranda Fieri, Divjaka janë menaxhuar prej vitesh nga Partia Socialiste dhe të zgjedhurit e tij.
