“La Verita”, gazeta italiane e cila një ditë më parë publikoi një video, ku tregohej skema e zhvatjes së 1.5 milionë eurove, për lirimin e një biznesmeni që hetohej dhe gjykohej nga Prokuroria dhe Gjykata Speciale, ka publikuar sot një tjetër material lidhur me atë që njihet si rasti “Reket”.
Në të fillimisht dëgjohet biseda mes Boki 13 dhe Orce Kamçev në të cilin Bojan kërkon shpjegim pse paratë janë me prerje 50 eurove dhe jo më shumë, duke shprehur dyshimin se bëhet fjalë për ndonjë mashtrim.
Aty Kamçev përgjigjet se në bankë nuk ka mundur të gjejë kartemonedha më të mëdha, raporton Tetova.
Boki gjatë bisedës me Kamçev kërkon edhe një takim, ndërsa gjatë asaj bisede dëgjohet edhe një zë gruaje, e cila i thotë Kamçevit “mos u brengos, çdo gjë do të jetë në rregull!”.
