Nga Boldnews.al
Këshilli i Lartë i Prokurorisë ka hyrë në fazën më të rëndësishme të aktivitetit të tij, shqyrtimin e kandidaturave për Prokuror të Përgjithshëm dhe prokurorët e SPAK-ut.
Procesi, i cili po zhvillohet me dyshime të forta për favorizimin e Arta Markut për një mandat të plotë, po kryhet nga 11 anëtarët e KLP-së, njëkohësisht me përzgjedhjen e prokurorëve të Strukturës së Posaçme Anti-Korrupsion.
Kriteret për Prokurorin e Përgjithshëm dhe pjesëtarët e SPAK-ut janë shumë strikte. Por, a janë të përshtatshëm vetë anëtarët e Këshillit të Lartë të Prokurorisë për të bërë këto zgjedhje?
“Boldnews.al” identifikon të paktën 9 nga 11 anëtarët e KLP-së, për të cilët ka të dhëna publike se nuk plotësojnë kriteret formale për të qenë në atë institucion ose që ekzistojnë dyshime të forta mbi integritetin personal dhe profesional të tyre.
1. Gent Ibrahimi, Kryetar i Këshillit të Lartë të Prokurorisë
Operacioni Ndërkombëtar i Monitorimit (ONM) ka konstatuar se Ibrahimi nuk plotëson kriteret formale ligjore për të qenë në Këshillin e Lartë të Prokurorisë.
2. Alfred Balla, zv.Kryetar i Këshillit të Lartë të Prokurorisë
Operacioni Ndërkombëtar i Monitorimit (ONM) ka konstatuar se Balla nuk plotëson kriteret formale ligjore për të qenë në Këshillin e Lartë të Prokurorisë.
3. Bujar Sheshi (Shesha), anëtar i Këshillit të Lartë të Prokurorisë
Autoriteti i Dosjeve ka konstatuar se Sheshi ka qenë bashkëpunëtor i ish-Sigurimit të Shtetit. Gjykata Administrative e shkallës së parë e rrëzoi vendimin e Autoritetit të Dosjeve. Çështja është në Apel, pa një vendim të formës së prerë.
4. Nurihan Seiti, anëtare e Këshillit të Lartë të Prokurorisë
Autoriteti i Dosjeve ka konstatuar se emri i saj gjendet në dosjet e ish-Sigurimit të Shtetit, si prokurore në procese politike në periudhën e komunizmit
5. Vatë Staka, anëtar i Këshillit të Lartë të Prokurorisë
Prokuroria e Shkodrës e ka nën hetim për “falsifikim dokumentash”, pavarësisht përpjekjeve të Arta Markut për të ndikuar për një vendimmarrje në favor të prokurorit Staka.
6. Gentian Osmani, anëtar i Këshillit të Lartë të Prokurorisë
Nuk ka kaluar Vetingun me vendim të formës së prerë. Operacioni Ndërkombëtar i Monitorimit dhe Komisioneri Publik kërkojnë shkarkimin e tij në Kolegjin e Posaçëm të Apelimit. I njohur publikisht si “falsifikator” i dosjes “Babale”
7. Arben Dollapaj, anëtar i Këshillit të Lartë të Prokurorisë
Nuk ka kaluar Vetingun me vendim të formës së prerë. Komisioneri Publik kërkon shkarkimin e tij në Kolegjin e Posaçëm të Apelimit.
8. Besnik Cani, anëtar i Këshillit të Lartë të Prokurorisë
Nuk ka kaluar Vetingun me vendim të formës së prerë. Komisioneri Publik kërkon shkarkimin e tij në Kolegjin e Posaçëm të Apelimit.
9. Tartar Bazaj, anëtar i Këshillit të Lartë të Prokurorisë
Ka dyshime të forta se nuk ka përfunduar shkollën e mesme. “Boldnews.al” ka publikuar dokumenta ekskluzivë, të cilat kanë pikëpyetje të mëdha mbi vërtetësinë e tyre.
https://www.youtube.com/watch?v=PkyNSSdwrPs&feature=youtu.be
