Një shtetas shqiptar është arrestuar nga policia e barit, pasi në banesën e tij u gjet një sasi prej 12 kg marijuanë.
Nëse sasia e drogës do të shitej në treg, ajo kap vlerën e 300 mijë euro.
Sipas mediave italiane, lënda narkotike u zbulua në banesën e Rudmir Tatarit, 43 vjeç, ndërsa ajo ishte e paketuar në dy pako të mëdha. Droga ishte e paketuar në kuti kartoni që përdoren zakonisht për pajisjet elektroshtëpiake.
Policia bën me dije se droga ishte gati për t’u ndarë në doza, që më pas të shpërndahej në Bari.
Raportohet se shqiptari është transferuar në paraburgim në pritje të vendimit.
