Protestat janë elementi më i shëndetshëm i demokracisë.
Kështu u shpreh ish-deputeti socialist dhe ish-ministri i Financave në qeverinë Nano, Arben Malaj.
Në emisionin “Tempora”, Malaj ka bërë një krahasim mes situatës aktuale dhe asaj të 2001.
“Në 2001, unë isha kryetar i Grupit Parlamentar të PS-së dhe në atë kohë na u bë e qartë, për shkak të fenomenit Dushk, që ne nuk mund të zgjidhnim moralisht të vetëm Presidentin e vendit. Atëherë, Fatos Nano u tërhoq dhe vendi nuk shkoi drejt krizës.
Sot apeli që kam për Edi Ramën dhe për cilindo tjetër është që zgjedhje në 30 qershor mund të ketë, por vendi nuk mund të qeveriset më. Ndaj duhet të shmanget kriza”, tha Malaj.
