Rilindja/ Gjiknuri, Hyseni e Qendro marrin në dorë fushatën e kandidatëve të bregdetit

Ish-ministri Damian Gjiknuri, ish-kreu i ARRSH-së, Afrim Qendro dhe deputeti Alket Hyseni, duket se do të drejtojnë fushatën e kandidatëve të Rilindjes në zonat në jug të vendit, që përfshijnë edhe bregdetin.

Gjiknuri me cilësinë e Sekretarit për Çështjet Zgjedhore në PS, Alket Hyseni si deputet i Vlorës dhe Afrim Qendro, ish-kreu i ASHRR në kohën e shpërthimit të skandalit me fallsifikimin e firmave të një zyrtari të lartë amerikan, për projektin e Unazës së Re, kanë prezantuar kandidatët për kryetar bashkie në Sarandë dhe Delvinë.
Kështu në Sarandë, përpara strukturave të Partisë Socialiste është prezantuar kandidati Adrian Gurma, ndërsa në Delvinë, Majlinda Qilimi.

LEXO EDHE  VIDEO/ Si i mashtroi Rama studentët, bilanci i premtimeve qeveritare...

Gjiknuri është një prej emrave të akuzuar nga opozita si i përfshirë në dosjen 184, që ka të bëjë me manipulimin e votave në qarkun e Dibrës. Hyseni është akuzuar publikisht për grabitjen e pronave të qytetarëve në jug të vendit, ndërsa Qendro, bashkë me Gjiknurin, akuzohen për aferën me projektin te Unaza e Re.