Ish-ministri i Jashtëm, Besnik Mustafaj, ka reaguar përmes një postimi në rrjet, mbi takimin e djeshëm, të zhvilluar në Kryeministri, mes Edi Ramës dhe Prokurores së Përgjithshme të Përkohshme, Arta Marku.
Mustafaj shkruan se marku i shkoi në zyrë Ramës si një pulë e lagur, duke dëshmuar kështu nënshtrimin e vet të plotë.
“Asgjë më shumë nuk bënte Aranit Cela kur e thërriste Enver Hoxha. A duhen prova të tjera për të kuptuar pse nuk po hetohen dosjet me përgjime mbi blerjen e votave gjatë zgjedhjeve të fundit?”, shkruan Mustafaj
Postimi i Besnik Mustafaj
Kryeministri nuk ka me asnje droje nga Kushtetuta. Ai pohoi sot se ka thirrur ne zyre Prokureren e Pergjithshme Arta Marku. Atij nuk i lejohet nje gje e tille. Por ne e njohim tashme Kryeministrin dhe nuk presim me prej tij te sillet ne respekt te Kushtetutes.
E keqja thellohet kur Kryeprokurorja, per te cilen presupozohet se e di ligjin, shkon si nje pule e lagur ne zyren e kryetarit te ekzekutivit, duke deshmuar keshtu nenshtrimin e vet te plote, domethene nenshtrimin e plote te zyres se saj ndaj politikes.
Asgje me shume nuk bente Aranit Cela kur e therriste Emver Hoxha. A duhen prova te tjera per te kuptuar pse nuk po hetohen dosjet me pergjime mbi blerjen e votave gjate zgjedhjeve te fundit?
Ky nuk eshte turp per kryeprokuroren. Eshte me keq. Eshte nje akt i denueshem e qe me e pakta duhet te shenoje me urgjence fundin e karrieres se kryeprokurores.
Perndryshe rrezikshmeria e saj shtohet. Interpretimi me i thjeshte, por jo i falshen i kesaj qe ka ndodhur con te fushata qe po ben Arta Marku per rizgjedhjen e saj. Kjo eshte drejtesia qe po prodhon reforma dhe vetingu.
