Aleati i Bashës bën propozimin konkret/ Ja kur duhet të mbahen zgjedhjet, qeveria tranzitore të përbëhet nga…

Edi Rama duhet të largohet nga post ii kryeministrit, pasi nuk ka respektuar asnjë nga pikat e kontratës që ka me qytetarët.

Kështu u shpreh kreu republikan, Fatmir Mediu, në studion e A2Cnn, disa orë para zhvillimit të protestës së thirrur nga opozita.

Referuar krizës politike në vend, Mediu tha se palët duhet të ofrojnë sa më shpejt një zgjidhje të përkohshme, por edhe afatgjatë, në mënyrë që të shmanget përsëritja e problemeve të tilla dhe konflikti.

“Unë mendoj që duhet të bëjmë zgjedhje të parakohshme lokale dhe parlamentare, ndoshta pas gjashtë muajsh.

Dhe këtë periudhë gjashtëmujore duhet të kemi një qeverisje që përbëhet nga figura që kanë pasur autoritetin për të kontestuar të keqen brenda forcës së tyre politike, por edhe që kanë qenë me një eksperiencë politike të vlefshme që mund të garantonin një marrëdhënie të qëndrueshme të të dy krahëve për zgjedhje të lira dhe të ndershme”, tha Mediu.

LEXO EDHE  Rruga e "florinjtë" Milot-Fier/ Asnjë segment nuk plotëson volumin e trafikut

Ai ka ‘formuar’ edhe Qeverinë Tranzitore duke dhënë një varg emrash që mund të jenë ministra.

“Arben Malaj, Arta Dade, Ylli Bufi, Rexhep Mejdani, Besnik Mustafaj, Rexhep Uka, Myqerem Tafaj.

Pra ka shumë autoritete të cilat besoj kanë frymën dhe interesin për të bashkëpunuar me njëri-tjetrin dhe i kanë shërbyer me sinqeritet interesave të vendit. Këta janë elementë që e tejkalojnë interesin e palëve.

Përveç kësaj, mendoj që Shqipëria ka figura të rëndësishme nga bota akademike dhe intelektuale”, i ka thënë Mediu.