“Turp të të vijë”. Është ky mesazhi që qytetarët shqiptarë i kanë dhënë Ambasadorit të OSBE-së në Tiranë, Bernd Borchardt, lidhur me qëndrimin e mbajtur prej tij ndaj protestës së opozitës.
Në hyrjen e pallatit, ku Borchardt ka një apartament, një grup qytetarësh kanë vendosur t’i lenë një mesazh, duke e shkruar atë në hyrje të pallatit.
Në çdo kohë, derisa mesazhi të fshihet, Borchardt do të lexojë atë çka i thonë qytetarët dhe ndoshta mund t’i vijë turp për qëndrimin e mbajtur.
Megjithatë, OSBE brenda pak minutash, mbrëmjen e djeshme publikoi një tjetër qëndrim, ku nga ai që akuzonte opozitën për dhunë dhe përgjegjësi politike, i bënte thirrje palëve që të mos përdornin dhunë.
Gjithsesi qëndrimi i mbajtur nga Borchardt në 2019, ka kaluar edhe qëndrimet e ish-ambasadorit Dan Everts në 2000, kohë kur ai drejtonte OSBE-në.
