Ditën e hënë opozita do të zhvillojë një tjetër protestë. Është ky një nga vendimet e marrë në mbledhjen e strukturave drejtuese të PD-së, e cila po vijon ende në selinë qendrore të partisë më të madhe opozitare.
Protesta do të mbahet pasditen e së hënës në orën 18:30 para Kryeministrisë.
Burime nga PD bëjnë me dije se në këtë mbledhje, kreu demokrat ka vlerësuar protestën dhe qëndresën e sotme qytetare, ndërsa ka dënuar aktet e dhunës së policisë ndaj protestuesve.
Mësohet se kreu demokrat ka propozuar dy kushte në formë ultimative në drejtim të qeverisë: lirimin e menjëhershëm të të ndaluarve, përfshi këtu edhe Sekretarit Organizativ, Sait Dollapi, si dhe dënimin e strukturave dhe individëve që kanë ushtruar dhunën apo kanë urdhëruar dhunën ndaj protestuesve.
Gjithashtu është vendosur që sot në orën 11.00 protestë nga forumi më i lartë politik i PD dhe partive të tjera të opozitës te drejtoria e Policisë.
Basha i bëri thirrje qytetarëve t´i bashkohen protestës para Drejtorisë së Policisë së Tiranës.
“E sotmja e ndaj Shqipërinë me thikë, jo në mes. Shumica e shqiptarëve, pavarësisht nga statusi I tyre ekonomik apo social, pavarësisht besimit të tyre, u them se ne jemi Shqipëria Europiane”, tha Basha.
