Opozita në rrugë e sheshe/ PS dhe deputetët e rinj mblidhen për Reformën Zgjedhore, monitorohen nga…

E ndërsa opozita prej 3 muajsh proteston në rrugë e sheshe duke kërkuar largimin e Edi Ramës si kryeministër dhe krijimin e një qeverie tranzitore që do të përgatisë zgjedhjet e parakohshme, PS dhe deputetët e rinj, kanë mbledhur Komisionin e Reformës Zgjedhore.

Në mbledhjen e parë të këtij komisioni, që do të drejtohet nga Damian Gjiknuri dhe Rudina Hajdari, ishin të pranishëm edhe diplomatë të akredituar në Tiranë, si ambasadori i OSBE-së, e Ngarkuara me Punë e Ambasadës së SHBA.

Nuk dihet pse dy diplomatët kanë vendosur të marrin pjesë në mbledhjen e këtij Komisioni, kur dihet fare mirë që çdo konkluzion që mund të dalë prej tij, përsa kohë opozitare zyrtare është jashtë Kuvendit dhe në protesta, nuk mund të merret në konsideratë apo t’i japë zgjidhje problemeve të shumta që janë evidentuar në proceset.

LEXO EDHE  Ambasadori gjerman takim me Vitore Tushën: Të ngrihet sa më shpejt Gjykata Kushtetuese

Përfaqësues të asaj që quhet si “opozita e re” kanë kërkuar disa herë ndryshimin e sistemit zgjedhor, ndërsa duket se nga socialistët nuk ka ndonjë predispozitë për të marrë parasysh këto kërkesa, aq më tepër kur përballë saj në sallën e Kuvendit janë deputetë që nuk përfaqësojnë asnjë nga forcat opozitare.

Puna do të vijojë edhe pa opozitën që është jashtë Parlamentit, tha Gjiknuri në fillim të fjalës së tij, duke shtuar se mazhoranca mbetet e hapur për çdo propozim të opozitës.

Ndërsa Rudina Hajdari tha se klasa politike qeverisëse nuk përfaqëson vullnetin e shqiptarëve, duke shtuar se kjo reformë ka nevojë për vullnet politik. Sipas saj, zgjedhjet janë përdorur për riciklim pushteti.