Lulzim Basha nuk është aq trim sa përmend kanunin në Shkodër. Kështu u shpreh ministrja e Shtetit, Elisa Spiropali.
Ajo tha se sot në burg janë bandat më të shquara kriminale të vendit, të cilat askush nuk i prekte më parë me dorë.
Ndërsa gazetarja Sonila Meço e pyeti se me cilët e kryenin krimin elektoral këto banda?
Por Spiropali tha se nuk është prokurore dhe nuk e dinte se me kë kishin bashkëpunuar.
“Unë nuk e di, ma tregoni ju me kë kanë bashkëpunuar”, tha Spiropali.
E ndërsa gazetarja tha se vettingu ka përdorur dy standard, ndërsa Spiropali tha se ky është një sistem që u çertifikua nga ndërkombëtarët, apo ne i kemi blerë të gjithë me paratë e drogës.
“Ne na duhet SPAK dhe Byroja Kombëtare e Hetimit, çlidhje ka Gjykata Kushtetuese”, ishte një tjetër deklaratë shokuese e Spiropalit në emisionin “Tempora”.
Spiropali tha se Presidenti me dekretin për Rektorin e Universitetit të Tiranës ka mbrojtur paligjshmërinë.
Por gazetarja Meço e ka pyetur Spiropalin se në një vend që s’ka Gjykatë Kushtetuese, kush e kontrollon qeverinë?
“Ua pse Gjykata Kushtetuese e kontrollon qeverinë? Ne na kontrollon ligji, prokuroria dhe gjykatat aty janë”, ishte reagimi i Spiropalit, që u shfaq shumë konfuze lidhur me debatin.
