Ervin Salianji, ish-deputet i PD-së, shprehet se nuk ka asnjë dallim në qëndrimet mes kreut demokrat Lulzim Basha dhe ish-kryeministrit Sali Berisha.
Në studion e Top Talk, Salianji tha se në të gjitha mbledhjet apo takimet që ne zhvillojmë me të gjitha strukturat, shoh që ka një qëndrim të unifikuar të të gjithë opozitës.
“Është nga të paktat rastet kur të gjithë grupi parlamentar, kryesia, e këshilli mendojnë njësoj”, tha Salianji.
Ndërkohë lidhur me protestat e opozitës, ish-deputeti theksoi se ato e kanë çuar në agoni qeverinë Rama.
“Protesta është mjeti i fundit që u mbetet shqiptarëve kur pushteti është i kapur. Politikisht Rama është i mbaruar. Protestat kanë çuar në agoni qeverinë Rama. Kanë rritur besimin e qytetarëve tek opozita. Parlamenti një institucion që nuk është i legjitimuar për të përfaqësuar njerëzit.
Ushtrim demokratik i demokracisë, për aq sa ka mbetur të paktën. Shqipëria është autokraci, jo demokraci. Nuk ka asnjë institucion që të kufizojë pushtetin e kryeministrit”, u shpreh Salianji.
