Socialistët e Durrësit janë rebeluar pas një durimi të gjatë, po edhe për shkak të mënyrës se si po funksionojnë drejtoritë, që sipas tyre kanë marrë fytyrën e drejtuesve.
Edhe pse e kanë ngritur në të gjithë forumet e tyre dhe madje nuk kanë munguar as denoncimet në portale dhe sms drejt Ramës, socialistët ndihen të zhgënjyer që një bashki si Durrësi, me rreth 350 mijë banorë, të ketë gjysmën e drejtuesve, madje më shumë se kaq, nga Tirana dhe për më shumë, që akuzohen nga shumë qytetarë, se jo vetëm janë arrogantë dhe nuk bëjnë punën, po duket sikur për pesë lekë që kërkojnë të fitojnë, po ngjallin pakënaqësi cdo ditë e më shumë.
Burime nga PS i thanë “Bulevardit” se ka një frymë pakënaqësie në rritje dhe kjo sidomos me drejtuesit që janë nga Tirana dhe që kanë marrë në Durrës postet kyçe. Por jo vetëm kaq sipas tyre ata jo vetëm sillen si harbutë me qytetarët por edhe kanë rilindur fenomenin ekorrupsionit në disa drejtori që drejtojnë.
“Kryeministri nuk është se nuk është vënë në dijeni. Për një fjalë goje shkarkoi drejtorin e Hipotekës së Durrësit duke e quajtur halabak sepse ironizoi pikërisht propogandën e tij. Por Kryeministri e di shumë mirë se çfarë po ndodh në Hipotekën e Durrësit se çfarë po bëjnë tre të ardhurit së bashku me drejtorin duke zvarritur qytetarët e madje duke i kërkuar para për të mbyllur dosjet sepse ata do të ikin shpejtë dhe do të kenë probleme të tjera më pas” , është shprehur një nga drejtuesit e PS për “Bulevard”.
Por jo vetëm kaq. Sipas tij duket se ka një strategji të mirëmenduar që drejtuesit që kanë ardhur nga Tirana dhe që dihet se janë pjesë e klaneve dhe nepotizmit të kësaj qeverie po krijojnë pakënaqësi me qytetarët në Durrës. Madje ata kanë shkuar dhe më tej kur shprehen se kurrë ndonjëherë administrata në Durrës nuk ka qenë kaq idiote, kaq arrogante dhe kaq e pjerdhur sa këtë radhë që tepsia është vetëm e Rilindjes.
“I kemi shkruar edhe Kryeministrit pasi kjo që po ndodh në Durrës nuk ka asnjë lloj shpjegimi. Kërkoj të mbarojmë një punë në administratë dhe nuk e mbarojmë jo për favore po sipas ligjit. Përse duhet të vijnë specialistë nga Tirana në Hipotekë kur në fakt po dalin që janë specialistë përtë tjera gjëra. Që sorollasin qytetarët me letra idiote dhe e vetmja arsye është se duan që ata të paguajnë.”, shprehet drejtuesi i PS për Bulevard..
Ndërkohë që sipas tij socialistët po shikojnë mundësinë për të bojkotuar zgjedhjet pasi sipas tyre vota për ti shërbyer qytetarëve është përkthyer nga qeverisja në votë nepotike për ti shërbyer shokëve dhe miqve.
