Opozita e bashkuar ka vendosur të mos marrë pjesë në zgjedhjet vendore të 30 qershorit, përsa kohë kushti i saj për largimin e Edi Ramës nga posti i Kryeministrit, që do t’i hapë rrugën krijimit të një qeverie tranzitore nuk do të plotësohet.
Partitë opozitare kanë nënshkruar një marrëveshje, duke zyrtarizuar në këtë mënyrë mospjesëmarrjen në zgjedhje, sikundër kanë deklaruar se më 30 qershor, ditën kur Presidenti ka dekretuar zhvillimin e zgjedhjeve vendore, nuk do të ketë proces zgjedhor.
Përveç partive të vogla që u regjistruan në zgjedhje, Faxweb.al raporton se në KQZ janë regjistruar dhe një numër kandidatësh të pavarur, kryesisht figura që kanë qenë më herët pjesë e PD-së.
Kështu bie në sy emri i Bedri Hoxhës, ish-deputet në PD i cili ka shpallur kandidaturën si i pavarur në Bashkinë e Klosit, apo ish-kreu i PD-së në Sarandë Ilir Nikolla.
Lista me kandidatët e pavarur që do të futen në zgjedhje:
KZAZ 15, Bashkia Kurbin, ka rregjistruar Komitet Nismetar për paraqitjen e kandidatit Nikoll Lleshi
KZAZ 17, Bashkia Klos, ka rregjistruar Komitet Nismetar për paraqitjen e kandidatit Bedri Hoxha
KZAZ 64, Bashkia Berat, ka rregjistruar Komitet Nismetar për paraqitjen e kandidatit Plarent Aleksi
KZAZ 70 Bashkia Devoll, ka rregjistruar Komitet Nismetar për paraqitjen e kandidatit Fezi Shaholli
KZAZ 86, Bashkia Himarë, ka rregjistruar Komitet Nismetar për paraqitjen e kandidatit Dhionisios Beleri
KZAZ 88, Bashkia Sarandë, ka rregjistruar Komitet Nismetar për paraqitjen e kandidatit Ilir Nikolla.
