Ish-deputeti demokrat Ervin Salianji ka reaguar në rrjetet sociale lidhur me protestën e zhvilluar sot nga opozita në 5 akset kombëtare rrugore, duke paralizuar për rreth 60 minuta qarkullimin e mjeteve.
Salianji shkruan se Edi Rama është plandosur në mes të rrugës dhe në agoninë e tij nuk i hap rrugën Shqipërisë, duke bllokuar integrimin e Shqipërisë, pasurimin e shqiptarëve, drejtësise së pavarur dhe prosperimit të qytetarëve! Të gjitha për pushtetin e tij personal!
“Sot shqiptarët kërkojnë zhbllokimin e rrugës drejt BE-së, kërkojnë një qeveri qe garanton zgjedhje te lira dhe te ndershme, për një qeveri që i shërben qytetarëve dhe jo që i vjedh çdo ditë!”, theksoi Salianji.
