Një tjetër emër nga lista e PD drejt marrjes së mandatit të deputetit/ Ja kush është…

Indrit Hoxha, kandidati i 35-të në listën shumëemërore të PD-së për Qarkun e Tiranës, mund t’i shtohet emrave që marrin mandatin e deputetit, duke plotësuar në këtë mënyrë vakancën e krijuar në Parlament pas largimit të ligjvënësve të PD dhe LSI-së.

Hoxha, një aktivist i PD dhe i Forumit Rinor të Partisë Demokratë, pritet të dorëzojë në KQZ formularin e dekriminalizimit, sapo të thërritet nga ky institucion, raporton CNA.

Në këtë mënyrë, Hoxha mund të marrë mandatin ashtu si dhe shumë emra të tjerë të renditur në listat shumëemërore të demokratëve.

Në një postim në rrjet, Hoxha ka komentuar krijimin e “Bindjes Demokrate” nga Rudina Hajdari dhe grupi i deputetëve që udhëhiqen prej saj në Kuvend.

“Që të krijosh një forcë politike duhet program dhe alternativë kombëtare. Të zgjedhësh kryetarin e forcës duhet elektorat ku duhet të jenë ata që vendosin të parin e lëvizjes,

LEXO EDHE  Edi Rama, “si thikë pas shpine”, për Haradinajn...

Në kushtet dhe në situaten politike që ndodhet vendi jonë, duhet ndryshimi i sistemit elektoral, shtyrja e zgjedhjeve lokale dhe garantimi i votës së qytetarëve që vota mos tjetërsohet,blihet apo shitet, por vullneti i shprehur me votë të lexohet drejt.

Duhet patjetër shtyrja e zgjedhjeve lokale, e cila duhet të pasohet me një dialog politik gjithëpërfshirës, ku çdo forcë politike, qoftë kjo parlamentare, jo parlamentare apo parti që kanë dorëzuar mandatet PD dhe LSI, t’i jepet garanci që vota nuk mund të tjetërsohet.

Për gjithë këtë proces duhet koha dhe s’kemi arsye pse të ketë një marrëveshje natën apo kokë më kokë.

Çdo veprim i nxituar minon demokracinë dhe na rrezikon të shkojmë në një sistem një partiak ku rrezikojmë t’a bëjmë Ramën dhe Rilindjen oligarkë të politikës për një kohë shumë të gjatë”, shkruan Hoxha.