Kryemadhi në zyrën e Bashës, çfarë po ndodh me opozitën…

Kryetarja e LSI-së, Monika Kryemadhi, dhe kreu demokrat Lulzim Basha, po zhvillojnë një takim në selinë e PD-së. Takimi realizohet një ditë para zhvillimit të seancës plenare në Kuvend.

Ndoshta drejtuesit e dy partive kryesore në opozitë do të koordinohen për organizimin dhe zhvillimin e protestës së rradhës para selisë së Kuvendit.

Në bazë të një vendimi të marrë nga opozita e bashkuar, kjo e fundit do të thërrasë qytetarët në protestë sa herë të ketë seancë parlamentare.

LEXO EDHE  Mbi 100 gra të vrara nga dhuna në familje, klithma e avokates: Ligji vetëm në letra, ja çfarë nuk funksionon

Në kushte të tilla duket se ky takim do të diskutojë ndoshta për organizimin e kësaj proteste, si dhe për vijimin e aksionit opozitar në ditët në vijim.

Sot, dy partitë opozitare kanë paditur penalisht drejtuesit e policisë së Tiranës, lidhur me dhunën e ushtruar në zonën e Brebut të Lumit, ndërsa disa ditë më parë është paditur penalisht edhe ministri i Brendshëm, për dhunën e ushtruar nga policia ndaj protestuesve.