Imazhi i Jezusit, është shfaqur mes flakëve në Katedralen e Notre Dame mbrëmjen e së hënës, kur u përfshi nga flakët. Ky është pretendimi i një gruaje, e cila ka publikuar në rrjetet sociale edhe një foto ku ajo pretendon se është shfaqur Krishti.
Skocezja Lesley Rowan, ishte duke lexuar rreth incidentit tragjik, kur vuri re diçka të çuditshme në një prej imazheve të Katedrales në flakë, siluetën e Jezu Krishtit.
Në postimin e saj në rrjetet sociale Lesley ka dhënë shpjegimet se përse ajo është silueta e Jezu Krishtit, duke vijëzuar edhe imazhin e tij, për ta bërë edhe më të qartë për pjesën tjetër të botës atë çfarë ajo pa.
