PËRDITËSUAR/ Perfundon takimi midis Kryetares se LSI-se Monika Kryemadhi dhe Zevendesndihmes Sekretarit Amerikan te shtetit Palmer. Takimi Kryemadhi-Palmer zgjati 70 minuta. Takimi ne seline e LSI-së
***
Pas bisedës me Bashën/ Palmer takon Kryemadhin
Pas takimit me kreun demokrat Lulzim Basha, që zgjati rreth 60 minuta, zv.Ndihmës Sekretari amerikan i Shtetit, u takua me kryetaren e LSI-së Monika Kryemadhi.
Agjenda e takimeve të Palmer do të mbyllet me një takim me Presidentin Ilir Meta.
Në ditën e parë të qëndrimit në Tiranë, Palmer është takuar me kryeministrin Edi Rama, ndërsa në një takim që pati me gazetarët, zv.Ndihmës Sekretari amerikan i Shtetit, tha se inkurajonte partitë që të merrnin pjesë në zgjedhjet e 30 qershorit.
“Nuk është zgjidhje djegia e mandateve. Do të ishte fatkeqësi nëse opozita nuk do merrte pjesë në këtë proces të rëndësishëm demokratik.
Përgjegjësia e opozitës është të marrë pjesë në zgjedhje të ndajë vizionin me mbështetësit të punojë fort të ketë platformë politike atraktive të ketë kandidatë të fortë që të fitoje zgjedhjet”, tha Palmer.
