Kreu demokrat, Lulzim Basha, nuk ka lënë mënjanë batutat në drejtim të kryeministrit Edi Rama.
Basha tha se Rama e donte opozitën ta shifte në Parlament si kartolinë.
“Donte të na shifte si kanarinat në Parlament.
Kur del Rama që bën batuta dhe shoh njerëzit që qeshin si dele, po ju them se ai pas çdo battue fsheh diçka, ju fut duart në xhepat tuaja, hyn në stëpitë tuaja dhe ju vjedh”, tha Basha.
“Dua t’ju ftoj, ju banorë të Luzit, Kavajës dhe gjithë Shqipërisë, të vazhdojmë betejën tonë, ditën e shtunë me 13 prill në orën 18.00 pasdite, në një protestë madhështore kombëtare.
Ju them se sytë e botës do të jenë aty të shtunën e ardhëshme, për të parë forcën dhe bashkimin e një populli europian që nuk do të pranojë kurrë, asgjë më pak se çfarë kanë popujt e tjerë të Europës.
Ndaj ju ftoj të mos mungoni, kështu të gjithë të derdhemi në Tiranë ditën e shtunë në orën 18.00 për të treguar me bashkimin tonë vullnetin e pakthyeshëm për ndryshim, për Shqipërinë europiane, për fitoren e qytetarëve shqiptarë”, tha Basha.
