Ish-deputeti demokrat Klevis Balliu kërkoi sot lirimin e banorëve të Unazës së Re që mbahen të arrestuar politikisht.
Në protestën e sotme te Unaza e Re, protestuesit u provokuan, dhe sipas tyre, shkak për situatën e krijuar ishte policia.
“Keni arrestuar Dorian Protuduarin dhe Daniel Drobin pa asnjë provë ndërkohë që lini të lirë Saimir Tahirin.
I bëj thirrje Arta Markut, që është zgjedhur Prokurore e Përkohshme prej dashurisë së Ulsi Manjës që të lirojë protestuesit e pafajshëm.
Lini të lirë Tahirin i cili e mbolli vendin me drogë dhe për shkak të saj u vranë nëpër parcela shumë të rinj ndërkohë që mbahen të lirë banorët që protestojnë për të mbrojtur shtëpitë e tyre”, u shpreh Balliu.