Drejtori i Përgjithshëm i Policisë së Shtetit, Ardi Veliu, ka firmosur të tjera ndryshime në kupolën drejtuese të uniformave blu.
Në fillim të javës ai paralajmëroi se ndryshimet do të vijojnë, ndërsa përmendi disa komisariatet dhe drejtoritë e qarqeve që kishin drejtues të rinj.
Një ditë më parë, Veliu firmosi emërimin e Andon Markos në krye të Drejtorisë së Policisë në Fier.
Ndërkohë sot raportohen të tjera lëvizje në nivelin e shefave të Komisariateve.
Në Durrës mësohet se Alfred Çepe është zëvendësuar nga Ylli Doda, ndërsa në Sarandë Ilirjan Demaj nga Syrja Bellaj.
Në policinë e Rrëshenit është emëruar Alfred Cenaj, ndërsa në Tiranë Edmond Meshini ka marrë drejtimin e Komisariatit nr 3, duke zëvendësuar Ylli Doda.
Në Përmet mësohet se është shkarkuar Feliks Hysa.
Në javët e fundit, uniformat blu kanë pësuar ndryshime në drejtimin e tyre. Përveç Tiranës, janë ndryshuar drejtuesit e policisë edhe në Shkodër, Fier, Berat dhe Vlorë. Ndërkohë pritet ndryshimi i drejtuesve në Elbasan dhe Lezhë.
