Fatmir Xhafaj ka zgjedhur të luajë rolin e “opozitarit” përballë kolegëve të tij socialistë, kur Komisioni i Ligjeve diskuton projekte që lidhen me policinë e shtetit apo policinë gjyqësore.
Një sjellje kritike mbajti edhe në mbledhjen e zhvilluar të Enjten, kur ai sërish debatoi me kryekomisionerin Ulsi Manja për teknikalitete të projekt-ligjit të Policisë Gjyqësore.
Por, përtej debateve të sajuara, mbledhja u shoqërua me një element që shumë pak mund ta konstatojnë. Fatmir Xhafaj, në kritikat e tij, i drejtohej hartuesve të projekt-ligjit, përfshirë edhe përfaqësuesit të Prokurorisë së Përgjithshme, Kujtim Luli.
Po çfarë i bashkon këta dy emra?
Fati i bashkoi sërish dy ish-kolegët, të cilët kanë qenë në të njëjtën zyrë në Hetuesinë e Krujës, para viteve ’90. Kujtim Luli ka qenë prej vitesh në Prokurorinë e Përgjithshme. Ai u transferua në Prokurorinë e Apelit të Durrësit, në vitin 2015 me urdhër të ish-prokurorit të Përgjithshëm, Adriatik Llalla.
Tashmë, Luli është rikthyer sërish në Prokurorinë e Përgjithshme dhe përfaqëson institucionin në diskutimet e ligjeve që do të integrojnë Shqipërinë në Bashkimin Europian.
Në vitin 2017, qytetarja Valentina Duka, emigrante në Gjermani, dëshmoi në një lidhje “live” me emsionin “Opinion” se si hetuesit Fatmir Xhafaj dhe Kujtim Luli e kanë dhunuar në zyrën e tyre, pasi e akuzonin se ajo, së bashku me të vëllanë e saj, donin të arratiseshin nga Shqipëria.
Në një intervistë telefonike me emisionin, Valbona Duka tregon tmerret e përjetuara nga dyshja e hetuesve Xhafaj-Luli, të cilët aktualisht po punojnë për të “reformuar” sistemin e drejtësisë.
Pyetje: Fatmir Xhafaj ka qenë hetues apo gjyqtar?
Ka qenë hetues i vëllait tim. Jam i sigurt 100%.
Pyetje: Keni një letër që e vërteton?
Ju mund të pyesni edhe te policia vetë. Ai më kërcënoi familjen kur më vdiq babai në internim. Pas 3-4 ditësh më erdhën te puna në Zahari dhe më thanë: hip se të ka ardhur makina e policisë. Ka qenë Fatmir Xhafaj në zyrë dhe Kujtim Luli dhe më kanë thënë se vëllai jot na ka thënë se ti do të arratisesh. Unë nuk dija gjë. më binte me shpulla surratit. Thuaj atij Ngjelës ti ke qenë vetë me vëllain tim në burg në atë kohë. Mund ti dal ballë për ballë Fatmir Xhafës kurdo që të doni. Jam unë ajo që kam hequr atë dhimbje.
Pyetje: Dëshmia juaj duhet të vërtetohet me një letër. Jeni e gatshme të vini nëse do thirreni për të dhënë dëshminë tuaj?
Jam e gatshme kurdo që të thoni. Nuk kam nevojë të gënjej. Kam 27 vite në Gjermani.
Pyetje: Çfarë moshe keni?
Unë jam 50 vjeç.
Përse akuzohej vëllai juaj?
Në atë kohë akuzohej se ka qenë një grup me katër vetë. Kur vdiq Enveri kishin ngritur dolli dhe kishin pirë raki. Pse kanë pirë raki për këtë janë dënuar.
Ishte akuzë politike?
Po. i kanë spiunuar.
Ju u dënuat?
Unë nuk kam qenë e dënuar. Ka krejt Kruja respekt për mua.