Kledian Hoxhaj, 21 vjeç, është dënuar me 8 vjet burg nga drejtësia italiane, pasi në nëntor të 2017, dhunoi dhe më pas përdhunoi të dashurën e tij.
Sipas mediave italiane, 21 vjeçari pranoi gjykimin e shkurtuar, ndërsa përfitoi 1/3 e uljes së dënimit.
Mediat raportojnë se shqiptari ka ushtruar dhunë në të paktën 4 raste ndaj të dashurës së tij, në atë kohë 18 vjeç.
Ngjarja që do i kushtojë shqiptarit 8 vjet burg ndodhi në banesën e tij në San Concordio. Klediani e ka lidhur të dashurën e tij, e ka dhunuar, e ka përdhunuar, e ka zënë nga fyti, e ka grushtuar dhe në fund e ka qëlluar me një bisht fshese, që u thye për shkak të goditjeve.
18-vjeçarja i ka treguar prindërve mbi ngjarjen dhe më pas ka paditur 21 vjeçarin shqiptar.
Policia italiane arrestoi shqiptarin, ndërsa gjykata më pas vendosi dënimin e tij.