Dy vëllezër, Astrit dhe Brahim Bilali, u ekzekutuan me breshëri automatike pranë banesës së tyre në lagjen Kiras të Shkodrës.
Dyshimet janë se atentati është kryer nga dy persona që dyshohet se ishin të maskuar.
Astrit Bilali është babaj i Asmer Bilalit, i arrestuar si pjesë e grupit “Bajri” në Shkodër.
Dyshimet e policisë janë se vrasjet e sotme janë të lidhura me ngjarjet kriminale të ndodhura më parë në qytetin më të madh në veri të vendit. Policia ende nuk ka dhënë ndonjë informacion për krimin e ndodhur sot, por dyshimet janë se vrasja është pjesë e një zinxhiri krimesh të rënda, një pjesë e konsiderueshme e të cilave të pazbardhura nga policia dhe prokuroria.
Astrit Bilali ishte një biznesmen i njohur në qytetin e Shkodrës. Ai kishte në pronësi të tij një resort hipizmi, pasion të cilin ja ka trasëguar edhe djalit të tij, Astmer Bilali. Ndërkohë edhe Ibrahim Bilali është ish-kampion i hipizmit.
Asmer Bilali ish boksier i Vllaznisë, ra në qendër të mediave kohë më parë kur mbeti i vrarë në një atentat shoku i tij Arjan Ferracaku teksa kalëronte pikërisht në resortin e Astrit Bilalit. Në ngjarjen e rëndë, Asmer Bilali ndodhej me Ferracakun kur ai mbeti i vdekur nga plumbat në distancë, dhe u dyshuar se ishte pikërisht Bilali shënjestra e autorëve që ngatërruan objektiv. Të dy ishin duke kalëruar në resortin e hipizmit në pronësi të babait të Astmerit, sot i ekzekutuar në qendër të Shkodrës bashkë me vëllain e tij.
Ndërsa, Brahim Balili ishte kryetar i Shoqatës 2 Prilli në Shkodër. Kjo shoqatë u krijua në nderim të 4 të rinjve që u vranë në Shkodër më 2 prill 1991 gjatë një mitingu të opozitës.
Brahim Bilali ka qenë kampion hipizmi vite më parë. Ka marrë pjesë në kampionate të ndryshme hipizmi, ndërsa pasioni për kalërimin është trashëguar edhe në breza. Vëllai i tij, Astrit Bilali, të cilët mbetën të dy të vrarë teksa dilnin nga shtëpia, ka hapur një resort hipizmi në periferi të Shkodrës.
Ndërkohë, djali i tij, Astmer Bilali, ka qenë kampion boksi. Edhe ai ka trashëguar pasionin për hipizmin. Në shtator të 2018-ës ai ishte duke kalëruar së bashku me Arjan Ferracakun, kur ky i fundit u vra në atentat. Në atë kohë, për shkak të së shkuarës me precedentë penalë të Astmer Bilalit, dyshohet se ishte ai objektiv i atentatit.
