Paralajmërimi i Tsipras/ Zhvillim negativ me Shqipërinë, kam informacion se…

Kryeministri grek Alexis Tsipras ka shprehur rezerva të forta lidhur me shkeljen e të drejtave të minoritetit në Shqipëri.

Tsipras tha se ka mësuar një zhvillim negativ lidhur me minoritetin grek në Shqipëri, duke theksuar se nëse ky informacion do të ishte i vërtetë, atëherë do të ishte një zhvillim shumë negativ.

“Marrëveshja që bëmë me Maqedoninë e Veriut duhet të inkurajojë vendet e BE-së që t’i japin një datë për procesin e anëtarësimit. Do të isha i lumtur nëse mund të them të njëjtën gjë për Shqipërinë, por kohët e kemi parë disa zhvillime që nuk na kënaqin”, tha Tsipras, gjatë takimit të liderëve të Rumanisë, Serbisë, Bullgarisë dhe Greqisë.

LEXO EDHE  Pas tërmetit 3.7 të Shkallës Rihter, a do të ketë lëkundje të tjera? / Flet sizmiologu

Prej disa ditësh, mediat greke dhe ato ndërkombëtare kanë denoncuar rastet e vjedhjes së pronave në jug të vendit nga njerëz të lidhur me pushtetin apo pushtetarët.

Madje  “Al Jazeera” i ka kushtuar një reportazh problemeve që ka Shqipëria me çështjen e pronës.

“Qeveria shqiptare kërkon të nxisë turizmin duke shkelur të drejtën e pronës”, kështu e ka titulluar gazetari i “Al Jazeera” reportazhin e bërë në Himarë.

Mediat greke kanë paralajmëruar një veto greke kundër integrimit të Shqipërisë në BE nëse do të ketë probleme me të drejtat e minoritetit.

 

PËRGJIGJU

Please enter your comment!
Please enter your name here