Ervin Salianji, ish-deputet i PD-së, duke iu drejtuar protestuesve, tha se sfida jonë është rezistenca, është që Edi Rama t’i thërrasë arsyes dhe ne të fitojmë me forcën e arsyes dhe jo me forcë tjetër.
“Ne kërkojmë mirëqënie dhe punësim për qytetarët, ndërs Rama dhe shpura e tij kërkojnë të zhvasin qytetarët. Ndaj dhe ne themi Rama ik.
Ne kërkojmë zgjedhje të lira dhe të ndershme, ndërsa Rama kërkon zgjedhje sit ë Maduros.
Ne kërkojmë një qeveri që t’i shërbejë shqiptarëve, ndërsa Rama kërkon një qeveri që t’i shërbejë oligarkëve.
Ka vetëm një zgjidhje, kjo rrugë të çon drejt një demokracie të vërtetë, një rrugë që e çon Shqipërinë drejt Europës.
Ndaj Rama duhet të dëgjojë thirrjen tuaj “Rama ik”.
Qytetarët sot janë më të fortë se kurrë, nuk tremben dhe nuk kanë frikë nga presionet.
A e keni parë sesi janë të tredhur prokurorët, dhe nuk thërrasin Edi Ramën, Damian Gjiknurin, Qazim Sejdinin, Afrim Qendron, Vangjush Dakon, ndaj ky regjim duhet përmbysur.
Kjo qeveri nuk ka interesin e qytetarëve, por një grushti oligarkësh”, tha Salianji.
Në vijim ai shtoi se kurrë protestuesit nuk kanë përdorur dhunë, ndërsa policia ka tejkaluar kompetencat e saj.
“Ne po të donim e kapërcenim gardhin me policë për dy minuta, pasi nuk ka gardh që e ndal popullin”, tha Salianji, duke i bërë thirrje qytetarëve që kudo që ta shohin Edi Ramën të thërrasin “Ik, ik, ik”.
“Rama nuk është pronar i shqiptarëve, ndaj dhe ne sot it hemi Rama ik”, u shpreh ai.
