Gjykata Penale e Tiranës pritet të japë sot masat e sigurisë për të arrestuarit në protestën e fundit të opozitës, ndërsa mes të ndaluarve është edhe Dorian Protoduari, banor i Unazës së Re.
Në paraburgim ndodhen 6 protestues, që u arrestuan të enjten, ditë kur opozita protestoi para Kuvendit.
Prej orës 09:30, banorë të Unazës së Re, të mbështetur edhe nga qytetarë dhe ish-deputetë ndodhen para Gjykatës Penale, në pritje të vendimit për 6 të ndaluarit.
Nëna e Dorian Protoduarit u ka drejtuar një apel përmes mediave prokurorëve dhe trupit gjykues, që të mos ndikohen politikisht dhe të japin një vendim të drejtë për të ndaluarit, përfshi këtu edhe Dorianin.
“Thirrje prokurorëve , gjyqtarëve të mos bëhen vegla e këtij Kryeministri sharlatan dhe arrogant dhe të japin vendimin e duhur. Ne po protestojmë për të drejtën tonë, për shtëpitë tona.
Çfarë do të bënte Edi Rama? Nuk do të protestonte nëse do ti merrnin shtëpin që e ka bërë me paratë e drogës, jo më ne që e kemi me djersë”, tha nëna e Dorian Protoduarit, raporton Faxneës.
Ndërkohë ajo e cilësoi politik ndalimin e djalit të saj dhe të protestuesve të tjerë, që prej 72 orësh ndodhen në qelitë e paraburgimit.
