Ravik Gurra u ekzekutua mbrëmjen e së premtes në një lokal në qytetin e Elbasanit, ndërsa ngjarja ka tronditur qytetin, por jo vetëm.
Pak orë pas krimit të rëndë, forcat special RENEA, të mbështetura nga policia lokale, kanë ngritur pika kontrolli në të gjithë qytetin, ndërsa kanë nisur një operacion të gjerë.
Burime policore bëjnë të ditur se janë shoqëruar disa persona, të cilëve po u merren dëshmi lidhur me ngjarjen, ndërsa grupi hetimor ende nuk ka një të dyshuar si një dhe pistë sepse ka ndodhur krimi.
Në pyetje janë marrë edhe juristi Arben Hoxha dhe Astrit Telhallari, të cilët ishin në tavolinë me viktimën kur u ekzekutua.
Policia pritet të bëjë një ekspertizë në automjetin Mercedez që u gjet i djegur, me shpresën se mund të fiksojë gjurmë të autorëve të mundshëm të përfshirë në krim.
Avokati ishte i ulur në ambientet e jashtme të një lokali në qendër të qytetit, kur është qëlluar në kokë me armë me silenciator.
Fakti se nuk është ndier krisma e armës, vrasja nuk ka tërhequr vëmendjen e personave që kanë qenë pranë vendit të ngjarjes.
Viktima ishte edhe me shtetësi angleze dhe sipas disa informacioneve ai do tëudhëtonte gjatë ditës së sotme drejt Britanisë së Madhe.
