Ditën e nesërme Inspektorati Kombëtar i Mbrojtjes Territorit, ka njoftuar se do të prish me shpërthime të kontrolluar, një oxhak në zonën e Fushë Arrëzit.
Objekti rreth 40 metra i lartë, ndërtuar me tullë, pjesë përbërëse e objektit industrial ndërtuar para viteve ‘90, për shkak të amortizimit paraqet rrezikshmëri.
Operacioni I IKMT, do të kryhet pas kërkesës për mbështetje nga bashkia e Fushë Arrëzit.
IKMT për realizimin e shpërthimit ka hapur në trupin e objektit 100 furnela (vrima) dhe do të përdorë rreth 7 kilogramë eksploziv. Operacioni do të kryhet nesër rreth orës 12.00.
