Inspektoriati Kombëtar i Mbrojtjes së Territorit dhe Bashkia Vlorë kanë zbarkuar mesditën e kësaj të enjte në fshatin Risili.
Sipas raportimeve, IKMT ka shembur në këtë zonë një depozitë uji, që rezultoi të jetë e ndërtuar në tokë shtetërore të marrë me qira.
Sipas dokumentit të bërë publik në media, toka ka qënë e marrë me qira nga shtetasi Arjan Hanaj në vitin 2012 nga komuna Shushicë, ndërsa ditët e fundit ka qënë duke u kryer ndërtimi i një rezervuari për vaditjen e tokave.
Sipas raportimeve, pas verifikimit në terren mbi zbatimin e dokumentacionit janë kapur shkelje, kështu janë nisur procedurat për shembjen e depozitës.
Pamje nga shembja e depozitës së betonit:
