Një 32-vjeçar shqiptar u arrestua nga policia greke pasi iu kap një sasi prej 43 kg kanabis.
Shqiptari u arrestua në rajonin e Janinës, ndërsa mbi të rëndojnë akuzat e transportit, trafikimit dhe poseidimit të drogës.
Lënda narkotike ishte fshehur më shasinë e makinës së tij, e cila ishte modifikuar pikërisht për fshehjen e lëndës narkotike.
Shqiptari ishte vënë nën survejim që nga Zagoria dhe më pas i është nënshtruar kontrollit të mjetit duke përdorur edhe qentë antidrogë.
Falë tyre, u zbuluan sasia e drogës e ndarë në 41 pako, e cila është konfiskuar së bashku me automjetin.
Policia i ka sekuestruar dy celularë dhe mbi 700 euro.
