Nën thirrjet “Rama ik”, dhjetra qytetarë të Dibrës kanë shoqëruar kreun demokrat Lulzim Bashan ë takimet derë më derë me biznesmenë të vegjël në këtë qytet.
Bash aka kërkuar një prani sa më të madhe të qytetarëve në protestën e 16 marsit, duke kërkuar nga dibranët që të tregojnë mençurinë e tyre për largimin e së keqes së shqiptarëve.
“Kjo nuk është qeveri, por një bandë që grabit dhe zhvat shqiptarët me qëlllim pasurimin e Edi Ramës dhe 5 oligarkëve të lidhur me pushtetin e tij”, theksoi Basha.
Në vijim, kreu demokrat shtoi “duhet ta rrëzojmë një herë e mirë. Mençuria dibrane le të shprehet më 16 mars. Edhe forca juaj”.
Basha tha se vendi nuk qeveriset me barsaleta. “Kur tregohet barsaleta i bën njerëzit për të qeshur, por Rama e tregon dhe në anën tjetër vjedh, ndaj më 16 mars të jenë të gjithë në Tiranë, më shumë se kurrë për ta larguar”, tha kreu demokrat.
Pasi është njohur me problemet e biznesit, Basha tha se Dibra është vend punëtor dhe shqiptarët nuk janë dembelë por qeveria e ka kthyer në një vend ku punëtorët ndëshkohen dhe kriminelët ecin përpara.
“Kësaj duhet t’i japim fund. Ju ftoj më 16 mars në Tiranë”, shtoi ai.
Basha tha se vendit i duhet një qeveri që të mbrojë interesin qytetar dhe t’i shërbejë atyre.
“Kur vjen në pushtet me kriminelët, si kriminel qeveris. Dibra më mirë se çdokush tjetër e di se çfarë do të thotë të vish në pushtet me kriminelët. Edhe socilistët e Dibrës e dinë se çfarë do të thotë. Kjo nuk është Dibra e dibranëve, por e Edi Ramës dhe Ymer Lalës”, tha Basha.
