Policia e Fierit ka hartuar listat e qytetarëve që do të shoqërohen si pjesëmarrës në protestën e zhvilluar kundër kryeministrit Edi Rama.
Listat janë publikuar nga ish-deputeti Luan Baçi, drejtues i degës së PD-së në Fier.
Baçi shkruan se vazhdon fushata e shoqërimeve dhe arrestimeve për fierakët, që nuk kanë shkelur asnjë ligj, por kanë protestuar kundër kryeministrit.
Baçi i ka drejtuar një apel drejtuesve të policisë dhe Ministrisë së Brendshme që të mos terrorizojnë popullin.
Në vijim ai shprehet se Rama nuk mund të arrestojë çdo qytetar që proteston kundër tij, pasi nuk ka vende në burgje për të gjithë popullin.
