Kryeministri Edi Rama vijon takimet në qarkun e Fierit, ndërsa mbështetës të opozitës po zhvillojnë një protestë me thirrjet ‘Rama ik’.
Ndërkohë që punonjës të administratës publike, të të gjitha niveleve, janë urdhëruar që të jenë pjesëmarrës në takimin e kryeministrit.
Mesazhet telefonike u janë drejtuar punonjësve të administratës nga eprorët e tyre, ndërsa mësohet se kontrolli është bërë me listë-prezencë.
Punonjësve të administratës u është kërkuar që në orën 11:00 të jenë prezent në sheshin ku do të mbahet takimi me Kryeministrin, ndërsa një ditë më parë nga ambientet e shkollave janë marrë karriget, që janë vendosur në shesh, për zhvillimin e bashkëbisedimit.
