Ministri I Diasporës, Pandeli Majko, ndan një tjetër qëndrim nga ai I Kryeministrit Edi Rama, lidhur me opozitën.
E ndërsa Rama gjatë fjalës së mbajtur dje në seancë plenare tha se me “opozitën e re do të negociohet për miratimin e reformave, përfshi këtu edhe Kodin Zgjedhor”, Majko, një prej politikanëve më me eksperiencë në rradhët e PS-së, ka një tjetër mendim.
Në studion e A2 neës, Majko tha se “nëse do të negociojmë, nuk do të negociojmë me të rinjtë , por me liderët e partive”.
I pyetur për dorëzimin e mandateve të deputetëve të opozitës dhe parashikimin mbi atë që priste, Majko tha se parashikimi sot nuk ekziston, sepse nuk ka ekzistuar në një vend evropian diçka e tillë.
“Jemi në atë momentin kur çifti ndahet dhe njëri nga prej tyre thotë se do t’i vej flakën gjysmës së shtëpisë”, tha Majko.
I pyetur për termin e përdorur nga kryeministri “opozitë e re”, pra për deputetët që pranuan të marrin mandatin e deputetit nga lista e LSI dhe PD, ish-kryeministrit shtoi me humor se “ata nuk janë opozitë, se ne i kemi blerë”!
Togfjalëshin e blerjes së deputetëve, ministri I Ramës e përdori me humor…
