Pas dorëzimit të mandateve nga deputetet e opozitës, Komisioni Qendror i Zgjedhjeve nisi menjëherë 57 njoftime për kandidatët pasues në lista, të cilëve i takon mandati.
Por burime nga Partia Demokratike shprehen se nga të 194 emrat, vetëm 5 prej tyre nuk kanë firmosur ende dorëheqjen. Pas Rudina Hajdarit që deri me tani ka lëne të kuptohet se nuk e djeg mandatin janë dhe 4 të tjerë që nuk kanë firmosur, Lefter Maliqi, Ligoraq Karamelo, Erion Piciri dhe Selami Jenishehiri.
146 shkresat e mbetura të kandidatëve, pritet të depozitohen të premten pranë KQZ, por burime nga ky institucion deklarojnë për Vizion Plus se ato nuk do të merren parasysh dhe se do të ndiqen të gjitha etapat ligjore.
Ndërkaq, një pjesë e kandidatëve të thirrur nga KQZ, janë paraqitur pranë këtij institucioni dhe kanë refuzuar marrjen e mandatit.
Pak më e komplikuar paraqitet situata në kampin e LSI-së. Pas refuzimit për të dorëzuara mandatin nga ana e Lefter Kokës, edhe disa kandidat të tjerë ende nuk kanë vendosur.
Ralf Gjoni, nga lista e Qarkut Tiranë, me anë të një postimi në rrjetet sociale shprehet se ende nuk ka marr një vendim, por shton se vendimi mbetet totalisht i tij dhe se do konsultohet me miqtë e tij ndërkombëtar.
I pari duket se ishte eurodeputeti Knut Fleckenstein.
Por po ashtu, edhe kandidatja Edlira Hyseni nga lista e Qarkut Durrës apo dhe Ylli Shehu nga lista e Qarkut Tiranë të kontaktuar nga Vizion Plus, as e kanë konfirmuar dhe as e kanë mohuar, duke u shprehur se do të flasin në një moment tjetër.
